Nus festivain 75 onns SRG.R
In giubileum - trais festas!
Nus vulain star da cumpagnia e far in viva cun Vus. Tuttas trais occurrenzas èn publicas. Reservai gia oz in plaz a Vossa festa preferida!
In giubileum - trais festas!
Nus vulain star da cumpagnia e far in viva cun Vus. Tuttas trais occurrenzas èn publicas. Reservai gia oz in plaz a Vossa festa preferida!
In'incumbensa impurtanta da la SRG.R è da tractar reclamaziuns en connex cun la purschida dals programs rumantschs ed ulteriuras purschidas publicisticas da RTR. Per quest intent ha ella installà in organ da mediaziun. L'organ da mediaziun funcziuna er sco instanza da recurs.
In mitus ed in vitget en agitaziun: Ils 13 da december èsi uschè lunsch. Radiotelevisiun Svizra Rumantscha (RTR) mussa l'emprima seria-web rumantscha «Metta da fein». Il crimi umoristic en quatter parts è da vesair a partir da dumengia sin las plattafurmas «rtr.ch» e «Play Suisse».
Durant la radunanza generala da la SRG SSR Svizra Rumantscha ad Andeer è vegnida elegida la nova suprastanza per il temp d’uffizi 2021-2024. Vincent Augustin da Mon è vegnì confermà sco president. La suprastanza sa cumpona da nov da Gion Lechmann (fin ussa), Ladina Simonelli-Zisler (fin ussa), Elena Luzio (nov) e Roger Tuor (nov). Presidenta dal cussegl dal public daventa Carmen Dedual.
Ils 25 da zercladur ha il cussegl d'administraziun da la SRG SSR suandà unanimamain la proposta da la suprastanza regiunala da la SRG SSR Svizra Rumantscha ed ha elegì Nicolas Pernet sco nov directur da RTR. L'Engiadinais che lavura oz sco manager da medias tar Ringier surpiglia sia nova funcziun tar RTR davent da l'emprim da schaner 2021.
Il post da mediaziun da la SRG.R vegn a la conclusiun che RTR ha violà il principi d'objectivitad en las novitads dals 20 e 24 da mars 2020. I gieva per la reclamaziun da Not Carl avant il post da mediaziun da SRF en connex cun l'emissiun DOK dals 4 da december 2019 «Der Preis der Aufrichtigkeit - Adam Quadronis Leben nach dem Baukartell».
La SRG.R vul in barat davart sias valurs publicas e sia responsabladad. Pervi dal coronavirus ha la SRG.R stuì annullar ils lavuratoris planisads. Perquai esi tant pli impurtant d'eruir Voss maini en la retschertga online naziunala. Grazia fitg per Vossa participaziun!
La SRG SSR Svizra Rumantscha ha laschà producir troccas, il gieu da chartas ch'è surtut enconuschent en la Surselva. A chaschun da la "sonda lunga" èn quellas vegnidas preschentadas per l'emprima giada a la publicitad.
A chaschun da la radunanza generala da la SRG SSR Svizra Rumantscha ils 15 da zercladur a Laax è vegnida elegida Ladina Simonelli-Zisler da Samedan en suprastanza.